في عالم الإنترنت اليوم، يُعتبر إنتاج المحتوى أحد أهم الأسس التي يقوم عليها نجاح العديد من الشركات والأفراد على شبكة الإنترنت. يشير مصطلح “Content” إلى كل ما يتم نشره على الإنترنت، سواء كانت مقالات، صور، فيديوهات، تدوينات، أو حتى تسجيلات صوتية. وفي هذا المقال، سنستكشف مجموعة متنوعة من أنواع المحتوى التي يمكن للأفراد والشركات الاستفادة منها لبناء جمهور واسع وجذب المهتمين بمواضيعهم المختلفة.
سنلقي نظرة على 30 نوعًا من المحتوى، من الأكثر شيوعًا إلى الأكثر تفردًا، وسنتناول كل نوع بشكل موجز مع إعطاء أمثلة على كيفية استخدامه بشكل فعّال. سواء كنت تبحث عن طرق لتنويع محتواك أو ترغب في اكتشاف أفكار جديدة لمشروعك القادم، فإن هذا المقال سيكون دليلًا شاملاً لكل ما تحتاج إليه لفهم واستخدام أنواع المحتوى بطريقة فعّالة وإبداعية.
دعونا نبدأ رحلتنا في استكشاف عالم المحتوى ونكتشف كل ما هو جديد ومثير!
30 نوع من المحتوي هل تعرفهم؟
ماهو المقصود بمحتوي ؟
مصطلح “محتوى” يشير إلى أي مادة أو معلومات تُقدم على شبكة الإنترنت أو في وسائل الإعلام الأخرى. هذا المحتوى يمكن أن يكون متنوعًا للغاية، بما في ذلك النصوص، الصور، الفيديوهات، التسجيلات الصوتية، الرسوم البيانية، التفاعلات، وأشكال أخرى من الوسائط. في سياق الإنترنت، يمكن أن يتضمن Content مقالات، مدونات، مواقع ويب، منشورات على وسائل التواصل الاجتماعي، وأكثر من ذلك بكثير.
المحتوى على الإنترنت يُستخدم لنقل المعلومات، تقديم المعرفة، التسلية، التواصل مع الجمهور، وتحقيق أهداف مختلفة تبعًا لطبيعته والهدف من إنشائه. يعتبر إنشاء محتوى جيد وجذاب جزءًا أساسيًا من استراتيجيات التسويق على الإنترنت وبناء المجتمعات عبر الويب.
ماهي وظيفة الكونتنت او كاتب المحتوي ؟
وظيفة الكاتب أو المنتج للمحتوى (Content Writer) تتضمن العديد من الأدوار والمسؤوليات التي تهدف إلى إنشاء محتوى جذاب وجودة على الإنترنت. إليك بعض وظائف الكاتب أو المنتج للمحتوى:
- كتابة المحتوى: يقوم كاتب Content بكتابة المقالات، التقارير، المدونات، النصوص التسويقية، والمحتوى الإعلاني الذي يتناسب مع احتياجات الجمهور المستهدف وأهداف المشروع.
- تحرير المحتوى: بعض الكتاب يقومون بدور محرري Content أيضًا، حيث يقومون بمراجعة وتحرير Content لضمان دقته وجودته، بما في ذلك التدقيق اللغوي والتنسيق والتأكد من الاتساق.
- بحث وتحليل: يقوم كاتب المحتوى بإجراء البحوث لفهم موضوع المقال والمحتوى المطلوب، بما في ذلك جمع المعلومات والبيانات من مصادر موثوقة وتحليلها بشكل مناسب.
- تحديد استراتيجيات المحتوى: يشارك كاتب Content في تطوير استراتيجيات المحتوى وتحديد الأهداف والمخاطر والفرص المتاحة لتحقيقها.
- تحسين محركات البحث (SEO): يعمل كاتب المحتوى على تحسين الكلمات الرئيسية وهيكلة المحتوى بطريقة تجعلها ملائمة لمحركات البحث، لزيادة فرص ظهور Content في نتائج البحث.
- إدارة الوقت والمواعيد النهائية: يدير كاتب Content الوقت بشكل فعال لضمان تسليم المحتوى في المواعيد المحددة، مع الالتزام بالجودة والدقة.
- وبشكل عام، يكون دور كاتب Content حاسمًا في بناء هوية العلامة التجارية، وجذب الجمهور المستهدف، وتعزيز الثقة بين العلامة التجارية وجمهورها.
كيف يمكنني ربط العملاء بالمحتوى؟
أولا لازم العنوان يكون جذاب
- حاول تضيف أرقام أو احصائيات للعنوان،
أثبتت الإحصائيات ان الأرقام تشد العملاء أكثر للاستجابة واستكمال قراءة الموضوع الذي تقدمه، حيث أن 2 من كل 10 فقط هم من يستكملون قراءة الموضوع، عشان كدة العنوان من أكتر عوامل الجذب للجمهور والأرقام هي المحفز.
- احتواء العنوان على سؤال
“كيف تكتب عنواناً جذاباً؟!” “كيف تزيد من عدد مبيعاتك هذه السنة؟!” من أشهر الطرق المستخدمة على الويب لأسباب كثيرة، منها أن العنوان يدل على أن المحتوى تعليمي ولا أحد يكره أن يحصل على معلومة أو خبرة من شخص آخر بطريقة مجانية خاصة لو كانت مرتبطة به، وستظل إحدى طرق كتابة العناوين المميزة
- العنوان الموجه لعملاء محددين :
دي طريقة مؤثرة جدا وبتخصص العميل المستهدف بالتحديد
بس خلي بالك هل الموضوع فعلا يستدعي انك تخصص فئة معينة للإعلان، لأن ده ممكن يخسرك عملاء تانين كان وارد يستفيدوا من خدمتك
- المشكلة والحل :
خلي دايما العنوان يعرض ويتعرض لمشاكل العملاء لخلق نوع من الإحساس بنقط الضعف وكمان حاول تقدم الحل ف نفس العنوان
الطريقة دي تخلي العميل المستهدف انك هدية من السماء و هيكمل قراءة الموضوع للأخر لأنك لمست مشكلته وحلتها ف نفس الوقت
- استخدم عنوان فيه نوع من المقارنة
وده بيخلي العميل يشارك بحل من وجهة نظره فيبدأ يحلل الاختيارين أو الاختيارات عشان يشوف انهي الأفضل
مثال: لو شركة سياحة بتنظيم رحلات لشرم والغردقة، العنوان المناسب اللي يشد العملاء ممكن يكون ” رحلتك الجاية في شرم، ولا الغردقة”
انت خرجت العميل من نقطة ياترى هسافر ولا لا وخليته يفكر ف المكان اللي هيسافرله.
ماهي انواع المحتوي ؟
في صفة واحدة لازم تكون موجودة ف Content عشان يتقال عليه محتوى: وهي انه
1-ان يكون المحتوي ذو قيمة” Valuable “
اذاً نوع Content هو أي إشارة لها قيمة وفايدة ونفع بتخرج من الشركة.
والأنواع دي منها “Point Down”
- القوائم – Lists
- ازاي How to
- سؤال وجواب Q&A
- الأسئلة المتكررة Frequently asked questions
- تقييم ومراجعة المنتجات Product reviews
- دراسة الحالة Case Study
- التوصية أو الشهادة Testimonials
- الاقتباس Quotes
- المقابلة الصحفية Interview
- الأخبار( أخبار الشركة والمجال) News
- القصص Stories
- التنبؤات Predictions
- الاتجاهات الرائجة Trends
- البحث Research
- التقارير Reports
- الكتب Books
- الداتا Data
- الكتب الإلكترونية E Books
- ملخصات الكتب Book summary
- قائمة الفحص والتحقق Check lists
- الورقة البيضاء White paper
- الإنفو جرافيك Infographic
- النماذج الجاهزة Templates
- الكوميكس والكرتون Comics and Cartoons
- الصور المتحركة GIFsا
- العروض التقديمية Presentations
- الوبينار Webinars
- التدوين الصوتي Podcasts
- الفيديو Video
- لقطات الشاشة Screenshots
كل دي أنواع للمحتوي تقدر تبدع في كل بوينت منهم
ثانيا: طريقة تصنيف المحتوى :
قبل ما نتكلم عن شرح كل نوع بالتفصيل، التصنيف والتقسيم اللي فوق ده تم على أساس ايه؟
تصنيف المحتوى تم على أساس:
القنوات التسويقية اللي هنستخدم فيها المحتوى ياللي بتقول ال Channel. باختصار كل Content له Channel، يعني المحتوى الاجتماعي اللي هو يعتمد علي القصة والحكاية اللي بتلم الناس حواليها بينزل في القنوات الاجتماعية Social media
هدف المحتوى وده معناه أن في Content لكل Goal يعني مثلا في
– Lead generation content :وده هدفه جمع معلومات التواصل الخاصة بالعملاء الجداد المحتملين.
– Sales Content وده هدفه تحقيق المبيعات بشكل مباشر.
– SEO Content وده هدفه تحسين ترتيب وظهور موقعك الالكتروني ضمن نتايج البحث ف المحركات المختلفة زي جوجل وغيره.
اذاً حسب كل هدف ، المحتوى بياخد شكل معين وطريقة معينة.
يبقي اول حاجة لازم نشتعل عليه هي استراتيجية التسويق: على حسب استراتيجية التسويق بيكون في استراتيجية للمحتوى زي مثلا ال Curation, Recycling 37 and Repurposing دي كلها تعتبر استراتيجيات ف المحتوى بيتم استخدامها حسب استراتيجية التسويق
مراحل الMarketing Funnel:وده معناه ان لازم يكون في كونتنت مخصوص لكل مرحلة من مراحل العميل اللي هيمر بيها بداية من ال Awareness لحد Post Action وده المسار اللي العميل بدخل فيه بداية من تعرفه على شركتك وخدماتك لحد ما يبقى عميل فعلي. والمسار ده مش ثابت، فكل مسوق بيرسم مسار حسب ظروف المنتج أو الخدمة اللي بيقدمها البيزنس.
يعني مثلا تلاقي ال Attractive Content اللي هدفه فقط جذب الجمهور المستهدف للمنصة.
وتلاقي كمان ال Conversion Content اللي مهمته تحويل العميل من عميل محتمل الى عميل فعلي وهكذا…
طبيعة وشكل الContent نفسه وده بينقسم ل 3 أنواع رئيسية وهي المقروء، والمسموع، والمرئي.
النوع الأول للمحتوي ( القوائم- Lists):
ودي من أشهر الأنواع اللي بيستخدمها المسوقين لأنها بتاتشر بسرعة فيروسية لأنها بتقسم لنقط بسيطة وبالتالي بسهل استهلاكها وقراءتها. وده ممكن يكون موجود في بلوج بوست زي ده
او بوست علي الفيس بوك زي كده
والقوائم مش شرط يكون فيها رقم، طبعا كتايه العنوان اللي فيه رقم دايما بشد الناس أكتر للقراءة.
ايه الخطوات اللازمة عشان تعمل قوائم جيدة بأسلوب يشد الناس ويحقق هدفك وهدف البيزنس؟
تقدر تعمل القوائم من خلال ال 10 خطوات Point down
- تحديد فكرة للمحتوى والموضوع اللي تتكلم فيه.
- حدد العدد اللي هتقوله للناس، وكل ما كان العدد كبير كل ما كان أفضل.
- اعمل Brainstorming عشان العناصر اللي تتكلم فيها.
- اكتب العناصر النهائية وركز في جودة صياغتها.
- رتب العناصر دي ترتيب منطقي.
- اكتب تحت كل عنصر شرح مبسط يبين أهمية العنصر ده.
- اكتب عنوان يوضح للجمهور أهمية الموضوع اللي بتتكلم فيه.
- اكتب مقدمة نارية تفتح بيها الموضوع.
- ماتنساش ال( CTA- Call To Action) واختاره حسب هدفك اذا كان مشاركة القايمة على المنصات المختلفة أو انهم ياخدوا ريأكشن معين.
- اتأكد ان كل حاجة ماشية مظبوط وف مكانها، وبعدين انشر المحتوى ع القنوات الأصلية وف الأخر وزعه على باقي القنوات حسب خطة التوزيع والإستراتيجية.
من المهم انك تعرف ان القوائم من أكتر أنواع المحتوى اللي الجمهور بيحبها وده لسهولة قراءتها ف وقت قصير. عشان كدة لازم تعتمدوا عليها في شغلك مع أي بيزنس.
النوع الثاني “How to
محتوى ازاي How to من أقوى أنواع الContent لأن القارئ بيستقبله عشان هو عنده مشكلة، وكمان وجود المشكلة والمعاناة بسبب عدم حلها بيخلوا الواحد عنده احساس انه في حاجة نقصاه وتعباه، عشان كده أول مابيشوف طريقة “ازاي تتغلب على كذا كذا ؟” اللي هي أصلا تعباه، هتلاقيه منتبه وعايز يقرأ الموضوع كله عشان يوصل للحل:
أنا مثلا مابعرفش أربط الكرفتة وبتحرج من صحابي او جيراني لما يقولي يا أستاذ محمد ممكن تربطلي الكرافتة الله يكرمك؟
أكيد انت كمان مابتعرفش تربطها زي حلاتي:
طيب خلينا نقول ان في حد كتب موضوع بعنوان ” ازاي تربط الكرفتة في دقيقتين؟”
هتقرأ الموضوع وهتكمله ولا لأ؟
أكيد الإجابة معروفة:
ميزة نوع الContent ده انه مفيد للعملاء وبيقدم حلول للمشكلات والتفاعل عليه بيبقى كبير جدا.وطبعا في الفترة الأخيرة الناس بدأت تروح لجوجل ويوتيوب عشان يتعلموا كل الحاجات الجديدة، فالموضوع بقى مفتوح جدا لكل الناس.
يعني البنات الحلوين اللي داخلين على مرحلة الزواج ممكن تدخل وتعرف مثلا ” ازاي أعمل صينية بطاطس” وطبعا الموضوع ده هينقذها من الكوارث اللي كانت ممكن تحصل سماعك بتقول فعلا
أو اللي هيجيلها بيبي قريب ممكن تعرف” ازاي أهتم بحديثي الولادة؟” الى آخره من الحاجات اللي محتاجين نتعلمها وهكذا …..
كيف يتم كتابة هذا النوع من المحتوى؟
هنقسم التنفيذ ل 3 مراحل:
المرحلة الأولى: ما قبل الكتابة.
- حدد الموضوع اللي عايز تتكلم عنه وتقدة تشوف المواضيع اللي شاغله الناس من موقع زي Quora 13
- حط المشكلة قدامك، وادرسها من جميع الجوانب وشوف انت عايز تتكلم عن أنهي نقطة بالظبط
- حط كل الحلول المحتملة للمشكلة
- قرر أنهي حل هيكون مناسب وايه مش مناسب
المرحلة الثانية وهي الكتابة
- اكتب عنوان يشد الناس يوضح النتايج اللي هتحصل لو المشكلة متحلتش ودي اتكلمنا عنه
- قدم المشكلة والحل بأسلوب منطقي
- اكتب الخطوات اللازمة للحل. كل ما كتبت بالتفصيل و بشفافية كل ما أفدت الناس أكتر
- لخص المشكلة والحل في نقط سريعة
المرحلة الثالثة وهي ما بعد الكتابة
- راجع التخطيط اللي عملته للمحتوى وشوف هل فعلا المشكلة اتحلت في الموضوع ده ولا لأ
- انشر الContent بطريقة ذكية. لأن النوع ده من المحتوى جودته عالية، فبلاش تضبعه بالتسويق الغلط.
النوع الثالث الأسئلة المتكررة Frequently asked questions
المحتوى الشديد اللي يجذب العملاء المحتملين لازم يكون قائم بالأساس على تقديم الإفادة لجمهور المتابعين، اذن الContent ده لازم يكون في شروط عشان يفيد العملاء، ولازم يتكتب بطريقة تجاوب على أسئلتهم، وتحل مشاكلهم، وتعالج ال Pain Points اللي تعباهم:
وده بيتم من خلال البحث عن تساؤلات العملاء بخصوص الخدمة اللي بتقدمها
ولازم تعرف ايه الأسئلة اللي شاغله بالهم
وبيسألوا عن الخدمة بأنهي كلمات وألفاظ (Keywords)
دورك بقى ك كاتب محتوي انك تجمع كل التساؤلات والألفاظ أو الكلمات المفتاحية اللي العملاء بيستخدموها
وتعمل بيه أحلى قطعة محتوى تشدهم وتخليهم يشيروها
نوصل لتساؤلات العملاء ازاي؟:
اكتبوا وجمعوا التساؤلات اللي بتدور في دماغ عملاؤكم تقدر تسال العملاء باكثر من طريقة تعمل بوست اسئلة علي فيس بوك او لينكد ان او كورا او تسال اللي حواليك تقدر كمان تعمل استطلاع راي وفي مواقع مجانا كتير بنتعمل ده، وشوفوا ازاي البيزنس اللي بتسوقوا ليه هيقدر يساعد في الحلول
ممكن تخصص بوست للإجابة على كل سؤال
لو عملت كده انت هاتبقى خبير في نظر عميلك وهايرجعلك انت بالذات لما يحب يشتري
النوع الرابع تقييم ومراجعة المنتجات Product reviews
اللي هي الرفيوهات اللي العملاء يعملوها للصفحات أو أي بيزنس، وازاي انت كماركتير لازم تستفيد من سحر الرفيو لجذب عملاء جدد
أولا الرفيوهات بتجليك بطرقتين:
يا إما انت بتطلب الرفيو من العميل بعد ما بتقدمه الخدمة وابقى وضح له ان ده بهدف تحسين الخدمة والتواصل مع العملاء وقياس مدى رضاهم عن الخدمات
أو ان العميل هو اللي بيعمل رفيو من نفسه لأن فعلا خدمتك أو منتجك كان فوق التوقعات بالنسبة له وفعلا مفيد ليه.
سواء انت اللي طلبت أو هو اللي ساب الرفيو بنفسه، احنا في التسويق بنسميها Earned Media
وده نوع قوي جدا من الدعاية يعتمد على ال Word of Mouthأو كلام الناس عن خدمتك
وده ميزته انه بيعرض منتجك أكنه واقع فعلي من الحلول العملية لحل مشاكل العملاء
ف العميل اللي محتاج الخدمة ومتردد أول ما يشوف الرفيو، هيا خد القرار انه يطلب الخدمة منك لأن فعلا في ناس استخدمتها و لقت نتايج كويسة جدا
انت ك ماركتير دورك ايه لما تلاقي رفيوهات حلوة عن الخدمة اللي انت بتسوق ليها؟
بتاخد الرفيو سكرين شوت وتجمع معاه كمان 3 أو 4 رفيوهات :
وتباصيهم للمصمم عشان تقدمهم في بوست لوحدهم وممكن تكتب Caption أو بوست حلو تشكر فيه كل العملاء المتابعين ليك :
وتوعدهم انك بتحسن خدمتك باستمرار عشان تحصل على رضاهم ،لأن رضا عملاءك هو أهم شئ بالنسبة ليك
مواضيع ذات صلة :
5 أدوات تساعدك في جدولة وتحليل المحتوي
كيفية تحليل نية الباحث باستخدام SEmrush
النوع الخامس دراسة الحالة Case Study
لو سألت أي مسوق ايه أصعب نوع من الContent هيقولك هو دراسة الحالة
بالرغم من كده، هو من أكتر الأنواع اللي بتحقق مبيعات وخاصة عند استهداف ال B2B أو الشركات
قوة النوع ده من المحتوى بتيجي من الدليل والأمثلة والإثباتات ان المنتج أو الفكرة أو الخدمة اللي بتقدمها
مفيدة فعلا وان في ناس جربته واستخدمته بالفعل
خلونا نعرف الأول ايه هي ال Case Study أو دراسة الحالة؟
من اسمها: بنجيب حالة وبندرسها ونحللها عشان نخرج ب Insights نفيد بيها المتابعين أو الجمهور المستهدف
طيب السؤال المهم دلؤتي
ازاي أعمل ال Case Study؟
خلينا الأول نتفق ان الCase Study مالهاش نوع أو شكل أو نموذج واحد
في 3 أشكال ونماذج لدراسة الحالة:
أولاً: دراسة الحالة عن الأشخاص وازاي الناس دي حققت نجاحات في حياتهم في الشكل ده انت بتدور على شخصية مشهورة في مجالك وجمهورك يعرفوه كويس جدا وحابين يكونوا زيه، ابدأ اتكلم عن الشخصية دي وأسباب نجاحها، عشان تعمل النوع ده مش محتاج غير انك تختار الشخصية المناسبة
اللي جمهورك عارفه و بيثق فيه، وتختار حاجة هو عملها ، وبعدين تحلل اللي عمله، وتشرح للناس كل التفاصيل
ثانياً: دراسة الحالة لقصة كاملة: في النوع ده انت بتحكى قصة وحكاية كاملة من أولها لأخرها بالضبط زي تخرجك من كورس معين فادك او كلية او حتي اشتغل في مكان وبالفعل تبدأ تشتغل باللي درسته وحابب تحكي قصة نجاحك وازاي انت قدرت تستفيد منها كده كل الناس اللي لاحظوا نجاحك وحابين يبقوا ناجحين زيك يقلدوا نفس قصتك و هايمشوا على نفس خطواتك عشان ينجحوا هم كمان
ثالثاً: دراسة الحالة بالشكل الاحترافي المعروف: دراسة الحالة هي الحديث عن نجاح أو نتيجة معينة تم الوصول إليها
وعناصرها الأساسية 3 وهم: المشكلة والحل والنتائج
بمعني انك هاتتكلم عن مشكلة معينة أو تحديات
وتبدأ توصف حل للمشاكل دي وفي النهاية هاتقول ايه النتائج اللي تم الوصل اليها، لو المحتوى كان فيه العناصر دي ، يبقى ده اسمه Case Study وانت مغمض
طيب تعالوا بقي نشوف الخطوات اللي هنمشي عليها عشان ننفذ Case study تجيب نتايج كويسة
حسب هدفك منها: :
- السياق:
وضح للجمهور ليه انت بتحكي الحدوته/ ومين العميل/ وايه المجال بتاعه/ وانت عملت ايه باختصار
- المشكلة :ايه المشكلة اللي كانت موجودة عند العميل اللي بتتكلم عنه؟ اوصف المشكلة بكل تفاصيلها
- التحديات والمعوقات: بمعنى إن في مشكلة انت عايز تحلها بس في معوقات بتمنعك وتعطلك عن الحل، الحاجات دي ممكن تكون مشكلة في السوق نفسه، أو قلة في الموارد/ أو تجربة سيئة للناس مع الشركة وهكذا
- الحل: اكتب الحل اللي عملته عشان تحل المشكلة دي
- خطوات التطبيق: في الجزء ده ابدأ احكي للجمهور ازاي طبقت الحلول اللي وصلت ليها وحاول على قد ماتقدر تحكي الجزء ده بالتفصيل لأنه هو اللي بيحكي عن مهارتك واحترافيتك في الحل وكده يبقى انت بتقول للمتابعين بطريقة غير مباشرة انك محترف جدا وأكيد هتقدر تساعده هم كمان في حل مشاكلهم
- النتائج: احكي للناس كل النتائج اللي وصلت ليها بالتفصيل وكل ما كان كلامك مدعوم بصور ، كل ما كان أفضل
- ملخص سريع: في أخر دراسة الحالة بتقول للناس ملخص للمشكلة والحل والنتيجة بسرعة أو بتاخد رفيو من العميل أو كلمة توصف كل مجهودك اللي قمت بيه
دي الطريقة والخطوات اللي المفروض تكتب بيها دراسة الحالة الخاصة بالشركة اللي هتشتغل لها، جهز الحالة اللي عايز تحكي عنها، أهم حاجة تكون مرتبطة بالمجال والتخصص اللي انت شغال عليه.
ملحوظة خلي بالك النوع ده مناسب أكتر لأي حد بقدم خدمات زي الخدمات الإدارية أو خدمات التسويق أو الإعلان مش المنتجات، قوة النوع ده من المحتوى بتعمد على عرض قوتك ومهارتك و خبرتك في حل المشاكل والأزمات وتقديم حلول ذكية عشان كده لازم تختار الحالة اللي هتوصفها كويس جدا
اتمني ان الموضوع يفيدكم وبتعذر عن الإطالة.
ان شاء الله ف المواضيع القادمة نتكلم عن باقي صور وأنواع المحتوى وأفضل الممارسات ليها
مقال رائع الله يكرمك
بس فين تكملته؟