30 نوع من المحتوي هل تعرفهم؟

30 نوع من المحتوي هل تعرفهم

30 نوع من المحتوي هل تعرفهم

في هذا المقال سوف نحدث عن الأنواع المختلفة من المحتوي وكل نوع وازي اقدر استفيد من كل نوع في المحتوي والتسويق وبالتالي هايؤثر عليا ازي في المبيعات

أولا هو في كام نوع للمحتوى؟

المحتوى بكل صوره وأشكاله وتصنيفاته 30 نوع

يعني محتوي أصلا ؟

ماهو المحتوي

المحتوى هو أي إشارة بتطلع من الشركة في أي صورة كانت يعني كلام خدمة العملاء محتوى، الكلام اللي مكتوب ع المنتجات من برة محتوى، البوستات اللي بتنزل على صفحة الشركة محتوى، أخبار الشركة والنص المكتوب ف الويب سايت ده محتوى

طيب حلو كلام ده ايه هي بقي وظيفة الكونتنت او المحتوي ؟

الكونتنت او المحتوي ليه وظيفة كبيرة جدا تتخطى كونة مجموعة من الكلمات المرصوصة ف الجملة، الكونتنت عبارة عن فكرة للوصول للعميل المستهدف من أقرب الطرق، عشان كده لازم يكون في  اهتمام كبير للفكرة اللي تشد العملاء المحتملين وتربطهم بالمنتج أو المحتوي اللي بيتقدم لهم.

طيب ازي اربط العملاء بالمحتوي ؟

أولا لازم العنوان يشد

  • حاول تضيف أرقام أو احصائيات للعنوان،

أثبتت الإحصائيات ان الأرقام تشد العملاء أكثر للإستجابة واستكمال قراءة الموضوع الذي تقدمه، حيث أن 2 من كل 10 فقط هم من يستكملون قراءة الموضوع، عشان كدة العنوان من أكتر عوامل الجذب للجمهور والأرقام هي المحفز.

  • احتواء العنوان على سؤال

“كيف تكتب عنواناً جذاباً؟!” “كيف تزيد من عدد مبيعاتك هذه السنة؟!” من أشهر الطرق المستخدمة على الويب لأسباب كثيرة، منها أن العنوان يدل على أن المحتوى تعليمي ولا أحد يكره أن يحصل على معلومة أو خبرة من شخص آخر بطريقة مجانية خاصة لو كانت مرتبطة به، وستظل إحدى طرق كتابة العناوين المميزة

  • العنوان الموجه لعملاء محددين :

دي طريقة موثرة جدا وبتخصص العميل المستهدف بالتحديد

بس خلي بالك هل الموضوع فعلا يستدعي انك تخصص فئة معينة للإعلان، لأن ده ممكن يخسرك عملاء تانين كان وارد يستفيدوا من خدمتك

  • المشكلة والحل :

خلي دايما العنوان يعرض ويتعرض لمشاكل العملاء لخلق نوع من الإحساس بنقط الضعف وكمان حاول تقدم الحل ف نفس العنوان

الطريقة دي تخلي العميل المستهدف انك هدية من السما وهيكمل قراءة الموضوع للأخر لأنك لمست مشكلته وحلتها ف نفس الوقت

  • استخدم عنوان فيه نوع من المقارنة

وده بيخلي العميل يشارك بحل من وجهة نظره فيبدأ يحلل الاختيارين أو الأختيارات عشان يشوف انهي الأفضل

مثال: لو شركة سياحة بتنظيم رحلات لشرم والغردقة، العنوان المناسب اللي يشد العملاء ممكن يكون ” رحلتك الجاية في شرم، ولا الغردقة”

انت خرجت العميل من نقطة ياترى هسافر ولا لأ وخليته يفكر ف المكان اللي هيسافرله.

أولا ايه هي الأنواع ال 30 للمحتوى؟

في صفة واحدة لازم تكون موجودة ف المحتوى عشان يتقال عليه محتوى: وهي انه

1-لازم يكون أو ذو قيمة” Valuable ”

اذاً نوع المحتوى هو أي إشارة لها قيمة وفايدة ونفع بتخرج من الشركة.

والأنواع دي منها “Point Down”

  • القوائم – Lists
  • ازاي How to
  • سؤال وجواب Q&A
  • الأسئلة المتكررة Frequently asked questions
  • تقييم ومراجعة المنتجات Product reviews
  • دراسة الحالة Case Study
  • التوصية أو الشهادة Testimonials
  • الإقتباس Quotes
  • المقابلة الصحفية Interview
  • الأخبار( أخبار الشركة والمجال) News
  • القصص Stories
  • التنبؤات Predictions
  • الاتجاهات الرائجة Trends
  • البحث Research
  • التقارير Reports
  • الكتب Books
  • الداتا Data
  • الكتب الإلكترونية E Books
  • ملخصات الكتب Book summary
  • قائمة الفحص والتحقق Check lists
  • الورقة البيضاء White paper
  • الإنفوجرافيك Infographic
  • النماذج الجاهزة Templates
  • الكوميكس والكرتون Comics and Cartoons
  • الصور المتحركة GIFsا
  • العروض التقديمية Presentations
  • الوبينار Webinars
  • التدوين الصوتي Podcasts
  • الفيديو Video
  • لقطات الشاشة Screenshots
كل دي أنواع للمحتوي تقدر تبدع في كل بوينت منهم

ثانيا: طريقة تصنيف المحتوى :

قبل ما نتكلم عن شرح كل نوع بالتفصيل، التصنيف والتقسيم اللي فوق ده تم على أساس ايه؟

تصنيف المحتوى تم على أساس:

القنوات التسويقية اللي هنستخدم فيها المحتوى ياللي بتقول ال Channel. بإختصار كل Content له Channel، يعني المحتوى الاجتماعي اللي هو بيعتمد علي  القصة والحكاية اللي بتلم الناس حواليها بينزل في القنوات الاجتماعية Social media

هدف المحتوى وده معناه أن في Content لكل Goal يعني مثلا في

Lead generation content :وده هدفه جمع معلومات التواصل الخاصة بالعملاء الجداد المحتملين.

Sales Content وده هدفه تحقيق المبيعات بشكل مباشر.

SEO Content وده هدفه تحسين ترتيب وظهور موقعك الالكتروني ضمن نتايج البحث ف المحركات المختلفة زي جوجل وغيره.

اذاً حسب كل هدف ، المحتوى بياخد شكل معين وطريقة معينة.

يبقي اول حاجة لازم نشتعل عليه هي استراتيجية التسويق: على حسب استراتيجية التسويق بيكون في استراتيجية للمحتوى زي مثلا ال Curation, Recycling 37 and Repurposing  دي كلها تعتبر استراتيجيات ف المحتوى بيتم استخدامها حسب استراتيجية التسويق

مراحل الMarketing Funnel:وده معناه ان لازم يكون في كونتنت مخصوص لكل مرحلة من مراحل العميل اللي هيمر بيها بداية من ال Awareness لحد Post Action وده المسار اللي العميل بيدخل فيه بداية من تعرفه على شركتك وخدماتك لحد مايبقى عميل فعلي. والمسار ده مش ثابت، فكل مسوق بيرسم مسار حسب ظروف المنتج أو الخدمة اللي بيقدمها البيزنس.

يعني مثلا هتلاقي ال Attractive Content اللي هدفه فقط جذب الجمهور المستهدف للمنصة.

وهتلاقي كمان ال Conversion Content اللي مهمته تحويل العميل من عميل محتمل الى عميل فعلي وهكذا…

طبيعة وشكل المحتوى نفسه،وده بينقسم ل 3 أنواع رئيسية وهي المقروء، والمسموع، والمرئي.

طيب بالنسبة لأنواع المحتوي تقدر نشرح اكتر

 النوع الأول للمحتوي  ( القوائم- Lists):

ودي من أشهر الأنواع اللي بيستخدمها المسوقين لأنها بتنتشر بسرعة فيروسية لأنها بتتقسم لنقط بسيطة وبالتالي بيسهل استهلاكها وقرائتها. وده ممكن يكون موجود في بلوج بوست زي ده

10d3b28c3bebd103971014f9e8a178fc1bdde128

او بوست علي الفيس بوك زي كده

a64249d19c2fa2d0e3806c5ddd9f6d28d8dc9e37

والقوائم مش شرط يكون فيها رقم، طبعا كتاية العنوان اللي فيه رقم دايما بيشد الناس أكتر للقراءة.

ايه الخطوات اللازمة عشان تعمل قوائم جيدة بأسلوب يشد الناس ويحقق هدفك وهدف البيزنس؟

تقدر تعمل القوائم من خلال ال 10 خطوات Point down

  1. تحديد فكرة للمحتوى والموضوع اللي هتتكلم فيه.
  2. حدد العدد اللي هتقوله للناس، وكل ما كان العدد كبير كل ماكان أفضل.
  3. اعمل Brainstorming عشان العناصر اللي هتتكلم فيها.
  4. اكتب العناصر النهائية وركز في جودة صياغتها.
  5. رتب العناصر دي ترتيب منطقي.
  6. اكتب تحت كل عنصر شرح مبسط يبين أهمية العنصر ده.
  7. اكتب عنوان يوضح للجمهور أهمية الموضوع اللي بتتكلم فيه.
  8. اكتب مقدمة نارية تفتح بيها الموضوع.
  9. ماتنساش ال( CTA- Call To Action) واختاره حسب هدفك اذا كان مشاركة القايمة على المنصات المختلفة أو انهم ياخدوا ريأكشن معين.
  10. اتأكد ان كل حاجة ماشية مظبوط وف مكانها، وبعدين انشر المحتوى ع القنوات الأصلية وف الأخر وزعه على باقي القنوات حسب خطة التوزيع والإستراتيجية.
من المهم انك تعرف ان القوائم من أكتر أنواع المحتوى اللي الجمهور بيحبها

 وده لسهولة قراءتها ف وقت قصير. عشان كدة لازم تعتمدوا عليها في شغلك مع أي بيزنس.

النوع الثاني “How to

محتوى ازاي How to من أقوى أنواع المحتوى لأن القارئ بيستقبله عشان هو عنده مشكلة، وكمان وجود المشكلة والمعاناة بسبب عدم حلها بيخلوا الواحد عنده احساس انه في حاجة نقصاه وتعباه، عشان كده أول مابيشوف طريقة “ازاي تتغلب على كذا كذا ؟” اللي هي أصلا تعباه، هتلاقيه منتبه وعايز يقرأ الموضوع كله عشان يوصل للحل:

أنا مثلا مابعرفش أربط الكرفتة وبتحرج من صحابي او جيراني لما يقولي يا أستاذ محمد ممكن تربطلي الكرافتة الله يكرمك؟

أكيد انت كمان مابتعرفش تربطها زي حلاتي:

طيب خلينا نقول ان في حد كتب موضوع بعنوان ” ازاي تربط الكرفتة في دقيقتين؟”

هتقرأ الموضوع وهتكمله ولا لأ؟

أكيد الإجابة معروفة:

ميزة نوع المحتوى ده انه مفيد للعملاء وبيقدم حلول للمشكلات والتفاعل عليه بيبقى كبير جدا.وطبعا في الفترة الأخيرة الناس بدأت تروح لجوجل ويوتيوب عشان يتعلموا كل الحاجات الجديدة، فالموضوع بقى مفتوح جدا لكل الناس.

يعني البنات الحلوين اللي داخلين على مرحلة الزواج ممكن تدخل وتعرف مثلا ” ازاي أعمل صينية بطاطس” وطبعا الموضوع ده هينقذها من الكوارث اللي كانت ممكن تحصل سماعك بتقول فعلا

أو اللي هيجيلها بيبي قريب ممكن تعرف” ازاي أهتم بحديثي الولادة؟” الى آخره من الحاجات اللي محتاجين نتعلمها وهكذا …..

ازاي تكتب النوع ده من المحتوى؟

هنقسم التنفيذ ل 3 مراحل:

المرحلة الأولى: ما قبل الكتابة.

  • حدد الموضوع اللي عايز تتكلم عنه وتقدة تشوف المواضيع اللي شاغله الناس من موقع زي Quora 13
  • حط المشكلة قدامك، وادرسها من جميع الجوانب وشوف انت عايز تتكلم عن أنهي نقطة بالظبط
  • حط كل الحلول المحتملة للمشكلة
  • قرر أنهي حل هيكون مناسب وايه مش مناسب

المرحلة التانية وهي الكتابة

  • اكتب عنوان يشد الناس يوضح النتايج اللي هتحصل لو المشكلة متحلتش ودي اتكلمنا عنه
  • قدم المشكلة والحل بأسلوب منطقي
  • اكتب الخطوات اللازمة للحل. كل ما كتبت بالتفصيل و بشفافية كل ما أفدت الناس أكتر
  • لخص المشكلة والحل في نقط سريعة

المرحلة التالته وهي مابعد الكتابة

  • راجع التخطيط اللي عملته للمحتوى وشوف هل فعلا المشكلة اتحلت في الموضوع ده ولا لأ
  • انشر وسوق المحتوى بتاعك بطريقة ذكية. لأن النوع ده من المحتوى جودته عالية، فبلاش تضبعه بالتسويق الغلط.

ملحوظة التسويق بالمحتوى بيعتمد على تحديد مشاكل الناس وتقديم حلول ليها، فلازم تفهم المشاكل كويس أوي وتقدم حلول منطقية

النوع الثالث الأسئلة المتكررة Frequently asked questions

المحتوى الشديد اللي يجذب العملاء المحتملين لازم يكون قائم بالأساس على تقديم الإفادة لجمهور المتابعين، اذن المحتوى ده لازم يكون في شروط عشان يفيد العملاء، ولازم يتكتب بطريقة تجاوب على أسئلتهم، وتحل مشاكلهم، وتعالج ال Pain Points اللي تعباهم:

وده بيتم من خلال البحث عن تساؤلات العملاء بخصوص الخدمة اللي بتقدمها

ولازم تعرف ايه الأسئلة اللي شاغله بالهم

وبيسألوا عن الخدمة بأنهي كلمات وألفاظ (Keywords)

دورك بقى ك كاتب محتوي انك تجمع كل التساؤلات والألفاظ أو الكلمات المفتاحية اللي العملاء بيستخدموها

وتعمل بيه أحلى قطعة محتوى تشدهم وتخليهم يشيروها

هنوصل لتساؤلات العملاء ازاي؟:

اكتبوا وجمعوا التساؤلات اللي بتدور في دماغ عملاؤكم تقدر تسال العملاء باكثر من طريقة تعمل بوست اسئلة علي فيس بوك او لينكد ان او كورا او تسال اللي حواليك تقدر كمان تعمل استطلاع راي وفي مواقع مجانا كتير بنتعمل ده، وشوفوا ازاي البيزنس اللي بتسوقوا ليه هيقدر يساعد في الحلول

ممكن تخصص بوست للإجابة على كل سؤال

لو عملت كده انت هتبقى خبير في نظر عميلك وهيرجعلك انت بالذات لما يحب يشتري

النواع الرابع تقييم ومراجعة المنتجات Product reviews

اللي هي الرفيوهات اللي العملاء بيعملوها للصفحات أو أي بيزنس، وازاي انت كماركتير لازم تستفيد من سحر الرفيوهات لجذب عملاء جدد

أولا الرفيوهات بتجيلك بطرقتين:

يا إما انت بتطلب الرفيو من العميل بعد ما بتقدمله الخدمة وابقى وضح له ان ده بهدف تحسين الخدمة والتواصل مع العملاء وقياس مدى رضاهم عن الخدمات

أو ان العميل هو اللي بيعمل رفيو من نفسه لأن فعلا خدمتك أو منتجك كان فوق التوقعات بالنسبة له وفعلا مفيد ليه.

سواء انت اللي طلبت أو هو اللي ساب الرفيو بنفسه، احنا في التسويق بنسميها Earned Media

وده نوع قوي جدا من الدعاية بيعتمد على ال Word of Mouthأو كلام الناس عن خدمتك

وده ميزته انه بيعرض منتجك أكنه واقع فعلي من الحلول العملية لحل مشاكل العملاء

ف العميل اللي محتاج الخدمة ومتردد أول مايشوف الرفيو، هياخد القرار انه يطلب الخدمة منك لأن فعلا في ناس استخدمتها و لقت نتايج كويسة جدا

انت ك ماركتير دورك ايه لما تلاقي رفيوهات حلوة عن الخدمة اللي انت بتسوق ليها؟

بتاخد الرفيو سكرين شوت وتجمع معاه كمان 3 أو 4 رفيوهات :

وتباصيهم للمصمم عشان تقدمهم في بوست لوحدهم وممكن تكتب Caption أو بوست حلو تشكر فيه كل العملاء المتابعين ليك :

وتوعدهم انك بتحسن خدمتك باستمرار عشان تحصل على رضاهم ،لأن رضا عملاءك هو أهم شئ بالنسبة ليك

مواضيع ذات صلة :

5 أدوات تساعدك في جدولة وتحليل المحتوي

طريقة كتابة محتوي تسويقي جذاب

كيفية تحليل نية الباحث باستخدام SEmrush

 

النوع الرابع دراسة الحالة Case Study

لو سألت أي مسوق ايه أصعب نوع من المحتوى هيقولك هو دراسة الحالة

بالرغم من كده، هو من أكتر الأنواع اللي بتحقق مبيعات وخاصة عند استهداف ال B2B أو الشركات

قوة النوع ده من المحتوى بتيجي من الدليل والأمثلة والإثباتات ان المنتج أو الفكرة أو الخدمة اللي بتقدمها

مفيدة فعلا وان في ناس جربته واستخدمته بالفعل

خلونا نعرف الأول ايه هي ال Case Study أو دراسة الحالة؟

من اسمها: بنجيب حالة وبندرسها ونحللها عشان نخرج ب Insights نفيد بيها المتابعين أو الجمهور المستهدف

طيب السؤال المهم دلؤتي

ازاي أعمل ال Case Study؟

خلينا الأول نتفق ان الCase Study مالهاش نوع أو شكل أو نموذج واحد

في 3 أشكال ونماذج لدراسة الحالة:

أولاً: دراسة الحالة عن الأشخاص وازاي الناس دي حققت نجاحات في حياتهم في الشكل ده انت بتدور على شخصية مشهورة في مجالك وجمهورك يعرفوه كويس جدا وحابين يكونوا زيه، ابدأ اتكلم عن الشخصية دي وأسباب نجاحها، عشان تعمل النوع ده مش محتاج غير انك تختار الشخصية المناسبة

اللي جمهورك عارفه و بيثق فيه، وتختار حاجة هو عملها ، وبعدين تحلل اللي عمله، وتشرح للناس كل التفاصيل

 

ثانياً: دراسة الحالة لقصة كاملة: في النوع ده انت بتحكي قصة وحكاية كاملة من أولها لأخرها بالظبط زي تخرجك من كورس معين فادك او كلية او حتي اشتغل في مكان وبالفعل تبدأ تشتغل باللي درسته وحابب تحكي قصة نجاحك وازاي انت قدرت تستفيد منها كده كل الناس اللي لاحظوا نجاحك وحابين يبقوا ناجحين زيك هيقلدوا نفس قصتك وهيمشوا على نفس خطواتك عشان ينجحوا هم كمان

 

ثالثاً: دراسة الحالة بالشكل الاحترافي المعروف: درسة الحالة هي الحديث عن نجاح أو نتيجة معينة تم الوصول إليها

وعناصرها الأساسية 3 وهم: المشكلة والحل والنتائج

بمعني انك هتتكلم عن مشكلة معينة أو تحديات

وتبدأ توصف حل للمشاكل دي وفي النهاية هتقول ايه النتائج اللي تم الوصل اليها، لو المحتوى كان فيه العناصر دي ، يبقى ده اسمه Case Study وانت مغمض

طيب تعالوا بقي نشوف الخطوات اللي هنمشي عليها عشان ننفذ Case study تجيب نتايج كويسة

حسب هدفك منها: :

  1. السياق:

وضح للجمهور ليه انت بتحكي الحدوته/ ومين العميل/ وايه المجال بتاعه/ وانت عملت ايه باختصار

  1. المشكلة :ايه المشكلة اللي كانت موجودة عند العميل اللي بتتكلم عنه؟ اوصف المشكلة بكل تفاصيلها
  1. التحديات والمعوقات: بمعنى إن في مشكلة انت عايز تحلها بس في معوقات بتمنعك وتعطلك عن الحل، الحاجات دي ممكن تكون مشكلة في السوق نفسه، أو قلة في الموارد/ أو تجربة سيئة للناس مع الشركة وهكذا
  1. الحل: اكتب الحل اللي عملته عشان تحل المشكلة دي
  1. خطوات التطبيق: في الجزء ده ابدأ احكي للجمهور ازاي طبقت الحلول اللي وصلت ليها وحاول على قد ماتقدر تحكي الجزء ده بالتفصيل لأنه هو اللي بيحكي عن مهارتك واحترافيتك في الحل وكده يبقى انت بتقول للمتابعين بطريقة غير مباشرة انك محترف جدا وأكيد هتقدر تساعده هم كمان في حل مشاكلهم
  1. النتائج: احكي للناس كل النتائج اللي وصلت ليها بالتفصيل وكل ما كان كلامك مدعوم بصور ، كل ما كان أفضل
  1. ملخص سريع: في أخر دراسة الحالة بتقول للناس ملخص للمشكلة والحل والنتيجة بسرعة أو بتاخد رفيو من العميل أو كلمة توصف كل مجهودك اللي قمت بيه

دي الطريقة والخطوات اللي المفروض تكتب بيها دراسة الحالة الخاصة بالشركة اللي هتشتغل لها، جهز الحالة اللي عايز تحكي عنها، أهم حاجة تكون مرتبطة بالمجال والتخصص اللي انت شغال عليه.

ملحوظة خلي بالك النوع ده مناسب أكتر لأي حد بيقدم خدمات زي الخدمات الادارية أو خدمات التسويق أو الاعلان مش المنتجات، قوة النوع ده من المحتوى بتعتمد على عرض قوتك ومهارتك و خبرتك في حل المشاكل والأزمات وتقديم حلول ذكية عشان كده لازم تختار الحالة اللي هتوصفها كويس جدا

اتمني ان الموضوع يفيدكم وبعتذر عن الإطالة.

ان شاء الله ف المواضيع الجاية نتكلم عن باقي صور وأنواع المحتوى وأفضل الممارسات ليها

1 فكرة عن “30 نوع من المحتوي هل تعرفهم؟”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *